Kralj Friderik III. naroča deželnemu upravitelju in vicedomu na Kranjskem naj vrneta ljubljanskim meščanom gmajno okoli mesta, ki jo je upravitelj ogradil in oddal v najem, meščani in tuji trgovci pa ne morejo pasti živine.

Prepis iz 16. stol. v privil. knjigi Ljubljane v MALj, fol. 37-37′. /SI ZAL LJU 488, COD XXV/
Obj.: Richter v Klunovem Archiv f. L. d. H. Krain II. u. III. Heft, str. 267-8,
št. 38; Klun, Dipl. Carn., str. 31-32, št. 41.

Wir Friderich von gottes gnaden romischer khunig zw allen zeitten merer des reichs, herzog zu Osterreich, ze Steyer, Karndten vnnd ze Krain, graue ze Tyroll etc. Embieten vnnsern getrewen Jorgen von Tschernembl vnnserm verweser vnserer haubtmanschafft vnnd Jergen Weichselbelrger vnnserm vizdomb in Krain vnser gnad vnnd alles gut. Vns habent vnser getrewen lieben n. vnser burger gemainclich zu Laibach anbringen lassen, wie in ir gemaine allenthalben vmb die stat daselbs vnfangen vnnd verzeunet wirdet vnnd wie du der verweser die an etlichen enden der paurschafft vmb zins auslassest, das vor nie gewesen sey, dadurch die burger vnnd annder, die mit irer kaufmanschafft derselben vnser stat Laybach notturfft zufurn, dest myner zufurn, wan sy mit irem viech nit waid gehaben mugen. Emphelchen wir ew ernstlich, daz ir von vnsern wegen darob seit vnd solch vmbfeng vnd zeun an der egemelten gemain allenthalben abprechen vnnd vernichten lasset vnd was du der verweser dauon vmb zins verlassen hst auch ledig machest, damit die gemelt gemain ganz wider ledig werd vnnd die Hungern vnnd annder handlund leut mit irem viech darauf waid gehaben vnd notturfft zw der vorgemelten vnserer stat Laybach dester pas furn mugen. Das ist ganzlich vnnser maynung. Geben zu der Neunstat an des heligen kreuztag exaltationis, anno domini etc. quinquagesimo primo, vnnsers reichs im zwelfften jar.

GZL III/60

Po privilegijski knjigi B. Otorepec