Cesar Friderik III. naroča Ulriku von Schawnberg, deželnemu glavarju na Kranjskem naj zaradi pritožbe mest in trgov posreduje pri plemstvu, da ne bodo trgovali z živili in prepovedovali svojim podložnikom dovažati živila v mesta in trge.

Prepis iz 16. stol. v privil. knjigi Ljubljane v MALj, fol. 21-21′. /SI ZAL LJU 488, COD XXV/
Obj.: Klun, Dipl. Carn., str. 34-5, št. 48.
Prim.: Zwitter, Star. kranj. mesta, str. 51.

Wir Friderich von gottes gnaden romischer kaiser zu allen zeitten merer des reichs zu Hungern, Dalmacien, Croacien etc. kunig, herzog zu Osterreich, ze Steyer, ze Kerndten vnnd ze Crain etc. Embietten dem edlen vnnsern lieben getrewen graf Vlreichen von Schawnberg vnnserm haubtman in Crain vnnser gnad vnnd alles gut. Vnns haben anbracht die erbarn weisen vnnd vnnser getrewen lieben die von stetten vnnd markten desselben vnnsers furstenthumbs Crain wie durch vnnser lanndtleuth auch desselben vnnsers furstenthumbs vnnd jer anwaldt meniger henndl vnd kaufmanschafft geubt vnnd getriben vnnd iren leuten verpotten werde was sie auf iren hueben erziehen das in dieselben vnnser stet vnnd markht nicht zu antworten dadurch sie an teglichen notturfften vnnd wir an vnnsern meutten vnnd camergut abganng haben, das vnns frembd beduncket. Emphelchen wir dir ernstlich vnnd wellen, daz du bei denselben vnnsern landleutten darob seiest, daz sy sich durch sich selbs vnnd jer obbemelt anwaldt solcher obbemelter hendl vnnd gewerben hinfur nicht mer vndersteen sonnder die bey den bemelten vnsern stetten vnnd markhten beleiben lassen, auch solch obbemelt verbot, iren leuten beschehen, abthun damit dieselben vnnser stett vnnd markht wider alts herkomen nicht beschwert, sonder bey iren freihaiten gehalten werden auch wir an vnnserm obbemelten camergutt nicht abgang gewinen. Daran thust du vns gut gefallen vnnd vnser ernstliche mainung. Geben zu Graz an mittichen nach sant Lucein tag, anno domini etc. ainvnndsechzig, vnnsers kaiserthumbs im zehenden jaren.

GZL III/72

Po privilegijski knjigi B. Otorepec