Javni notar Henrik Rauch transumira sledeče listine:
1439, nov. 17. Dunajsko Novo mesto
1439, nov. 16. » »
1439, nov. 15. » »
1439, nov. 15. » »

Prepis iz 16. stol. v privil. knjigi Ljubljane v MALj, fol. 33-36′ /napačno datirana 1409, september 4. Ljubljana/.  /SI ZAL LJU 488, COD XXV/
Obj.: Richter v Klunovem Archiv f. L. d. H. Krain II. u. III. Heft, str. 259-260, št. 32. /samo začetek/.

In nomine domini amen. Anno a natiuitate eiusdem millesimo quadringentesimo nono, die vero veneris quarta mensis septembris /!/, hora scripta publica indictione secunda, pontificatus sanctissimi in Christo patris et domini nostri Eugeny diuina prouidentia papae quarti, anno eius nono. In stuba anterioris superioris et maioris domus habitationis honorabilis viri Matkonis Widict /!/ pro tunc judicis oppidi Laibacensis in oppido Laibaccensi, Aquilegiensis diocesis, coram venerabilibus patribus et dominis dominis Joanne de Reihenpach priore fratrum heremitarum ordinis sancti Augustini trans pontem extra muros et Laurentio Chrotendorffer de Gurckhfeld fratrum minorum ordinis sancti Francisci intra muros dicti oppidi Laibacensis gardiano, in mei notary publici infrascripti testium subscriptor /manjka: ad/ praesentia personaliter constitutus memoratus Matko judex habens et tenens in suis manibus quatuor literas seu priuilegia papireo seu papireos /!/ a serenissimo principe et domino domino Friderico dei gratia duce Austriae, Styriae, Carinthiae, comite Tirollis etc: emanatas, eius vero sigillo rotundo cerae rubee dictis quatuor literis et cuilibet eorum tergotenus impresso, in cuius sigilli circum ferentia exteriori hec legebant literae videlicet S. Friderici dei gratia ducis Austriae, Styriae, Carinthiae, comitis Tirollis, in circulo vero interiori domino clipeoli se mutuo respicient, vnus a sinistris in tres partes diuisus, quarum media per directum ex transuerso eminens super quo galea coronata habens supra se conuolutionem circum circa ad modum pennorum pauonum erectam et insignia ducatus Austriae designare videbat. Alius vero a dextris in quo imago panthere ignem ab ore euomentis, vngulis et pedibus extensis et cauda supra dorsum /tu: drosum/ erecta ad modum currentis cernebat, super quo similiter galea coronata habens supra se duo cornua sursumerecta, circum circa ramusculis foliantibus vndique adornata et arma ducatus Styriae designare videbat. Memoratus vero Matko judex, volens ut ostendebat publicam et communem procurare vtilitatem ciuitatis Labacensis totius patriae Carniole incolarum omniumque aliorum quorum interest, seu quos presens tangit vel tangere poterit negotium quomodo libet in futurum, ex eo maxime quod priuilegium principum debet esse perpetuum, cupiens ergo ad notitiam posteriorum pernidaginem /!/ scripturarum deducere, ne lapsu temporis in oblinonem prolabant, seu potius in publica scripta redacta, perpetua memoriae laudabiliter commendentur cum eadem literae seu priuilegia propter ipsarum /tu: propteriparum/ vnitatem, ad loca vbi quando et quoties pro comuni dono et republica, cum tempus aut res expostulauerit deduci seu portari non valeant. Ideoque dictus Matko judex petiuit praecibus humilibus et instantibus /tu: -ndiuis/ vt dictas literas seu priuilegia ducales seu ducalia per me notarium publicum subscriptum tanque publicam communem et autenticam personam, authoritate imperiali mihi in hac parte concessa, conscribi, transsumi, exemplari et in publicam formam redigi, vt eisdem sic transsumptis exemplatis et in publicam formam redactis, tam in juditio quam extra plena et indubitata fides, sicuti ipsis originalibus valeat adhiberi, instiper praefatus dominus Matko judex humiliter et attente supplicauit, memoratis venerabilibus patribus et dominis Joanni priori et Laurentio gardiano, vt ipsorum sigilla propter maiorem solemnemque authoritatem ipsis literis seu priuilegijs sic transsumptis exemplatis et in publicam formam redactis paterne vellent appendere. Qui quidem venerabiles patres et domini vonlentes /!/ etiam prout in ipsis est rempromouere publicam precibus dicti domini judicis tanque consonis rationi connuerunt. Tenores vero dictarum literarum seu priuilegiorum de quibus supra fit mentio ad verbum continentur in haec verba.

/slede transsumpti listin: l. 1439, november 17. Dun. Novo mesto, 2. 1439, november 16. Dun. Novo mesto, 3. 1439, november 15. Dun. Novo mesto, 4.1439, november 15. Dun. Novo mesto/.

Privilegijska knjiga fol. 36-36′

Postquidem literarum seu priuilegiorum exhibitionem presentationem ac humilem praefati domini judicis petitionem tanque juri et rationi consonam. Ego notarius publicus infrascriptus tanque publica communis et autentica persona, legitione requisitus dictas literas seu priuilegia ad me recepi, habita diligenti collatione examinatione ac sigillorum auscultatione, cum memoratis venerabilibus in Christo patribus et dominis Joanne priore et Laurentio gardiano eorum praefatis et infrascriptis testibus ipsas literas seu priuilegia ac eorum sigilla reperimus per omnia quantum possibile fuit, saluas, sanas, integras ac ut praefertur illaesas. Idecque eas fideliter conscriptas transsumptas et exemplatas in hanc publicam formam de verbo ad verbum nil addendo vel minuendo seu transponendo, quod sensum minutare vel factum vitiare posset, diligenter redegi. Super quibus omnibus et singulis dictus dominus Matko judex petyt sibi per me notarium publicum infrascriptum, vnum vel plura publicum seu publica confici instrumentum seu instrumenta. Acta sunt haec anno, mense, die, hora, indictione, pontificatu et loco quibus supra presentibus ibidem honorabilibus et discretis viris Christoffero Dechser magistro curiae domus et professo ordinis Teuthonicorum Labaci, fratre Berchtoldo de Ratispona ordinis sancti Augustini, fratre Joanne de Basilea ordinis minorum, Marko Kuripec offitiali domus Teuthonicorum praefatae, Joanne de Moyrss scriptore consistory prouintialis patriae Carniolae, Georio Sartore presbiteris et laicis Aquilegiensis, Patauiensis, Frisingensis, Ratisponensis et Basiliensis diocesis testibus fide dignis ad premissa vocatis spetialiter et rogatis.

Et ego Hainricus Rauch clericus Constantiensis diocesis baccalaureus in decretis, publicus imperiali auctoritate notarius, quia praedictis literarum exhibitioni, petitioni, collationi sigillorum, auscultationi omnibusque alys et singulis supradictis dum sic ut promittit fierent et agerent, vna cum prenominatis testibus presens interfui eaque sic fieri, vidi et audiui, ideoque praefatas literas de verbo ad verbum, nil addendo vel minuendo, quod sensum minutare, vel factu vitiare posset, fideliter transsumpsi et in hunc processum seu presens publicum instrumentum per alium me alys oceupato negotys fideliter scriptum redegi ac fidelem collationem de praedictis transumptis cum originalibus literis et munimentis supra dictis feci et ea per omenia concordare in rem presentibus, videntibus et audientibus venerabilibus et religiosis patribus et dominis Joanne de Reichenpach priore et Laurentio de Gurckfeld gardiano supra dictis ad hoc spetialiter vocatis et rogatis signoque et nomine meis solitis et consuetis vna cum appensione dictorum venerabilium patrum et dominorum Joannis et Laurentij prioris et gardiani prioratus et gardionatus sigillorum consignaui, rogatus et requisitus in fidem et testimonium omnium et singulorum premissorum.

GZL III/53

Po privilegijski knjigi B. Otorepec