Cesar Friderik III. naroča Viljemu Turjaškemu, deželnemu glavarju, oskrbnikom, deželskim sodnikom in uradnikom, naj pazijo na izpolnjevanje pogodbe med stanovi in mesti ter trgi.

Istočasna kopija na papirju v MALj.
Reg.: Komatar v Jahresbericht ljublj. realke za 1903/4, str. 36, št. 44.

Wir Fridreich von gots gnaden roemischer kaiser zw allen zeiten merer des reichs zw Hungern Dalmacien Croacien etc. kunig herzog zw Osterreich zw Steyr etc. Embieten vnserm lieben getrewen Wilhalmen von Awrsperg vnserm rat camrer vnd haubtman in Krain oder wer kunfftiklich vnser haubtman oder viztumb daselbs sein wirdet auch vnnsern phlegern lanndrichtern vnd ambtlewten desselben vnnsers furstentumbs Krain den der brief gezaigt wirdet vnser gnad vnd alles guet. Als yez zwischen vnser prelätenn der vom adell vnd auf dem lannd gesessen ains vnd der von stetnn vnd merkten in demselben vnserm furstentumb des andern tails von wegen der gewerb vnd henndel daselbs ein gutlicher vertrag beschehen ist nach laut der brief darvmb ausgangen die wir bestet vnd darauf denselben von steten vnd merkten geschriben vnd beuolhen haben dem also nachzegeen den vestiklich ze halten sich dabey hanntzehaben vnd die, so also dawider teten, mitsambt irem zw vnsern handenn aufzehalten vnd zu verpieten. Emphelhen wir ew ernnstlich vnd wellenn ob etlich dawider handlen vnd tuen dem nicht nachkomen vnd ir von den bemelten von steten vnd merkten dashab /!/ vmb hilf vnd beystand angelangt werdet das ir in dan die von vnsern wegen tut damit solhem vertrag volliklich nachgangen vnd deshalb nicht mer irrung werde vnd darin nicht anders tuet. Das ist vnser ernnstliche maynung. Geben zu Linz an mitichen vor dem heiligen antlass tag anno domini etc. LXXXXII vnsers kaisertumbs im ainsvndvierzigisten jare.

Comissio domini
imperatoris propria

GZL IV/28

Po kopiji B. Otorepec