Agnes, vdova ljubljanskega meščana Eberharta von Lanndtroppa daje posestva za ustanovo zgodnje maše v cerkvi sv. Nikolaja.

Neoverovljen prepis nedatiranega vidimusa priorja in konventa avgušt. samostana v Ljubljani iz ok. 1500 v MALj.  /SI ZAL LJU 333-55/
Reg.: Komatar v Jahresbericht ljublj. realke 1903/4, str. 21, št. 18.

Ich Agnes Eberharz vonn Lanndtropp burger ze Laibach salligen wittib vergich fur mich vnnd all mein erben mit dem offnem brieff vnnd thun khundt allen den die in sehent hornt oder lesennt, das ich mit wolbedachten muet vnnd zu der zeit da ich es woll gethun mocht, recht vnnd redlich vnnd vnuersprochennlich willigkhlichen vnnd gern thue ze hilff mein vnnd meins genannten wirz saligen gestifft gmecht vnnd geschefft zw der fruemess in sandd Niclass capeln alhie zw Laibach gestifft gemacht geschafft vnnd geben han, gib stifft schaff vnnd mach auch wissenndtlich mit crafft des brieffs durch haill mein vnnd meinss egenannts salligen seele vnnd durch vnnser vorfordern seeln willen vnnd die genanndt fruemess vnnd caplanej yezundt der erber herr Michel der Sawer mein capeln inne hat vnnd allen seinen nachkhomen meins guets ein zehenndt ze Lagkh in Jauchan pharr gelegen von funff hueben die drit garben ze nemen, item vnnd ein hueben daselbs darauff zw den zeiten Mixe gesessen ist, item vnnd ein hueben ze Manspurch darauff Marthin gesessen ist vnnd ain garten pey dem prun ze Manspurch den auch der egenant Martjn inne hat, item vnnd ein wisen ze Diepolstorff gelegenn. Vnnd den genanndten zehenndt hueben garten vnnd wisen der durchleuchtig hochgeborn fursst herzog Gaist /napaèno za: Ernst!/ erzherzog ze Osterreich ze Steier ze Kharnndten vnnd ze Crain graff zw Tiroll etc. mein genediger lieber herr mit seinem brieff zw der genanndten fruemess vnnd caplaney in aigen weiss geben gemacht vnd geaigent hatt alss dannn des egenannten meins gennedigen herrn brieff aigenntlich auswaist vnnd inne halt wen die genanten guetter vormallen von seinen gnaden ze lehen gewesen sind. Also das der egenanndt zehendt hueben garten vnnd wisen zw der genanndten vnnser gestifft vnd caplaney hinfur ewigleich dar zw gehoren vnnd geuallen soll alls annder vnser guet das ich vnnd mein wirt seliger darzue gestifft geben vnnd gemacht habenn, das sew der egenandt herr Michell vnnd sein nachkhumen vnuerkhumert inne haben nuzen geniessen stifften vnnd zestorn /!/ vnnd allen iren frum damit schaffen vnnd thuen sullen als mit andern iren gestifften guet, doch also beschaidennlich vnnd mitt ausgenomen worten, das ich egenannte fraw Agness den genanndten zehenndt hueben garten vnnd wisen mein lebtag inne haben vnnd mir di nuz jarleichen dauon innemen vnnd geuallen sullen vnnd nach meinem abganng, so soll ess ledigclichen vnnd geruchtlich gannz vnnd gar zw der genannten vnnser stifft vnnd fruemess den genannten herrn Micheln oder seinen nachkhomen an menigclichs irrung gefallen vnnd das obgenanndt mein gestifft geschefft vnnd gemecht emphilch ich dem richter vnnd den zwelffen geschworn des rats ze Laibach vnnd den pruedern der schuester pruederschafft hie zw Laibach, das die darzue sehen vnnd in durch got lassen emphelhen sein damit die genant fruemess also peleib vnnd volfiert werde vnnd ewigclich nicht abgee. Auch ob dass wer das dem genannten herrn Michelln oder seine nachkhomen yemanndt irrung inuell oder hindernuss thet oder thuen wollt an den genannten guetern vnser stifft so soll sew der durchleuchtig hochgeborn fursst herzog Ernnst erzherzog ze Osterreich etc. mein gennediger herr oder sein erben oder ir haubtman in Crain dabei vestigelichen halten vnnd schermen vor allem gwallt vnnd vnrechten das ist mein vleissigs vnnd diemuetiges gebet. Vnnd das in das stat vnnd vnzerprochen beleib darvber so gib ich diesn offen brieff versiglt mit der erwern Thomas des Werder die zeit richter zw Laibach vnnd mit Christans des Mlagkher purger daselbs aigen anhangunden innsigll die sew durch mein vleissiger pet willen an denn brieff gehangt habent ir vnnd iren erben an schaden. Der geben ist nach Chrissti geburde vierzehenhundet jar vnnd darnach in dem achtzehenndten jar dess sambtstags nach sanndt Michelss tag.

GZL III/38

Po prepisu B. Otorepec