Ulrik Šenk z Ostrovice, deželni glavar na Kranjskem naroča na pritožbo kamniškega sodnika in občine vsem duhovnikom naj ne podpirajo kmetov pri nedovoljenem trgovanju, tako, da skrivajo blago po cerkvah.

Orig. papir v MALj; /SI ZAL LJU 333-23/
Obj.: Komatar v Jahresbericht ljublj. realke 1903/4, str. 22, št. 20.

Ich Vlrich Schenck von Osterwicz haubtman in Krain empewt allen pfarrern, vicarii vnd capplan den diser brieff geczait wirt mein dienst. Mich haben die erben vnd weisen der rat vnd die gemain zu Stain anbracht wie ettlich pawrn wein, eisen vnd ander kaufmanschafft schencken kauffen vnd verkauffen wider des durchleuchtigen hochgebornen fursten herczog Fridrichs herczog ze Osterreich etc. meins gnedigen herren geschefft vnd verpot vnd wann sew das weren vnd vndersten wellen nach geschefft des benanten meins gnedigen herren so floehen vnd dragen die selben pawrn die selben wein, eisen vnd ander ir kaufmanschafft in die kirchen vnd cappellen vnd verkauffen vnd verdreiben das darnach haimlich vnd ze ainczig, damitt auch meinen benanten gnedigen herren sein mawt, zoell vnd ander rent verfuert vnd gemyndert werden. Schaff ich mit euch allen vnd iedem besuender, das ir des hinfuer nicht mer tuet noch gestattet zu tuen vnd auch ewern mesner verpiet, das sie das hinfur nicht mer lassen in die kirchen vnd cappellen dragen oder floehen, geschech des nicht so must ich von der haubtmanschafft wegen das vndersteen vnd sew swerlich darumb bessern. Geben zu Laibach am montag nach vnser frawen tag der liechtmess, anno domini etc. vicesimo octauo.

/Mali pečat izstavitelja na hrbtu listine pritisnjen na papir čez vosek./

GZL III/45

Po originalu B. Otorepec

Opomba:
Objavljena v Božo Otorepec, Dragan Matić, Izbrane listine Zgodovinskega arhiva Ljubljana (1320-1782), Transkripcije z regesti in komentarji, Ljubljana 1998, str. 43-44.