Kralj Friderik III. daje ljublj. sodniku, svetu in meščanom v zakup mitnico v Ljubljani in novo mitnico »zu Godawitz« za dve leti, proti plačilu letno 800 funtov dun. pfen.

Orig. perg. v MALj.  /SI ZAL LJU 333-29/
Obj.: Komatar v Jahresbericht ljublj. realke 1903/4, str. 25-26, št. 25.

Wir Fridreich von gots gnaden romischer kunig zu allen tzeiten merer des reichs, hertzog zu Osterreich, zu Steir, zu Kernden vnd zu Krain, graf zu Tirol etc. Bekennen, daz wir den erbern weisen vnsern getrewn lieben n.dem richter, rat vnd vnsern burgern gemainklich zu Laybach in bestanndsweis hingelassen haben wissentlich mit dem brief vnser mautt daselbs, mit sambt der newn mautt zu Godawitz mit allen irn nutzen, rennten vnd zugehorungen inn ze haben in tze nemen vnd ze hanndeln als die vntzher daselbs gehanndelt vnd ingenomen sind worden, von dem sambstag vor sannd Veits tag nagstuergangen vber zwaii ganntze jar nagstnacheinander komend vnd die sich an dem sambstag vor sannd Veits tag des zwayundfunftzigisten jars schiristkunftig ennden werden, yeds derselben jar vmb acht hundert phundt wienner phening, bringt die sum baider jar sechtzehen hundert phundt phening, der sy vns oder vnser erben entrichten vnd betzallen sullen zu den vier quottembern yeglichs vorgemelten jars als sitlich vnd gwondlich ist vngeuerlich. Mit vrkund des briefs, geben zu der Newnstat an sannd Peter vnd sannd Pauls tag, nach Christi geburde im viertzehenhundert vnd funftzigisten jar, vnsers reichs im aindleften iar.
Na pliki: Comissio domini regis in consilio.

/Pečat odpadel s trakom vred./

GZL III/59

Po originalu B. Otorepec