Cesar Friderik III. zapoveduje plemstvu in posebno svojim oskrbnikom na Kranjskem naj ne kupčujejo z živino, vinom in žitom, temveč naj to prepuste meščanom za oskrbo mest.

Orig. papir v MALj /zgornji del listine s prvo vrsto teksta manjka/; prepis iz 16. stol. v priv. knjigi v MALj, fol. 24-24′. Obj.: Klun, Dipl. Carn., str. 48, št. 70; Komatar v Jahresbericht ljublj. realke za 1903/4, str. 33-34, št. 41.

/Wir Friderich von gotts gnaden romischer kaiser zu allen zeitten merrer des reichs zu/ Hungern Dalmatien Croacien etc. kunig herzog zu Osterreich zu Steir etc. Embieten vnsern lieben getrewn n.allen vnd yeglichen vom adl besonnder vnsern phlegern vnd ambtlewten in vnserm furstentumb Krain den der brief gezaigt oder verkundt wirdet vnnser gnad vnd alles gut. Wir haben vormals vnserm lieben getrewn Wilhalmen von Awrsperg vnserm rate camrer vnd haubtman daselbs in Krain den kauff des viechs wein vnd annders, so ir ettlich jar her zu ewrm nuz gehallten habt, vnsern burgern daselbs in Krain widerumb zu uerhelffen, den wie vor ettlichen jarn gewesen ist aufzerichten, geschriben vnd beuolhen nach lautt vnserr brief darumb ausganngen das aber bey ew nicht verfanngen hat, dadurch vnnser stett in Krain merklich manngl haben vnd in abnemen komen das vnns nicht geuellt. Nu eruordert vnnser notturfft, geburt vnns auch dieselben vnnser stett widerumb zu irn hanndlungen ze bringen, demnach emphelhen wir ew ernstlich vnd wellen daz ir furan kainerlay viech wein traid noch annder tegliche narung mer vekhauffet, sonnder dieselben khewff zu den bemelten vnsern stetten komen oder dieselben vnser burger die allenthalben in vnsern vnd ewrn herschefften gebieten vnd verwesungen zu der bemelten vnserr stett notturfften bringen lasset solhs auch mit vnsern vnd ewrn lewten ze tun bestellet vnd in das nicht mer verbiettet. Welh aber das daruber vberfarn, solh verkhauffen weitter tun vnd vnnser burger darinn verhindern wurden, haben wir dem obbenannten vnserm haubtmann geschriben vnd beuolhen denselben solhs zu wern vnd ir viech vnd annders so sy verkhauften zu vnnsern hannden ze nemen. Dauon so tut darinn nicht annders, daran tut ir vnns gut geuallen vnd gennzlich vnnser ernstliche maynung. Geben zu Lynnz an sambstag nach dem heiligen auffarttag anno domini etc. LXXXXIo vnsers kaisertumbs im vierzigisten jare. Commissio domini imperatoris propria

/Pečat na hrbtu listine odpadel./

GZL IV/24

Po originalu B. Otorepec

Opomba: Listina objavljena v Božo Otorepec, Dragan Matić, Izbrane listine Zgodovinskega arhiva Ljubljana (1320-1782), Transkripcije z regesti in komentarji, Ljubljana 1998, str. 69-70.