Cesar Friderik III. naroča mestom in trgom na Kranjskem naj se drže pogodbe sklenjene s prelati in plemstvom zaradi trgovine na podeželju.

Istočasna kopija na papirju v MALj. Reg.: Komatar v Jahresbericht ljublj. realke za 1903/4, str. 36, št. 43.

Wir Fridreich von/gots= izpušč./ gnaden roemischer kayser zw allen zeiten merer des reichs zw Hungern Dalmacien Croacien etc. kunig herzog zw Osterreich zw Steyr etc. Embieten den erbern weisen vnsern getrewen liebn den von steten vnd merktenn vnsers furstentumbs Krain vnnser gnad vnd alles guet. Als yetz zwischen ewr ains vnd vnsern prelätenn den vom adel vnd auf dem lannd in demselben vnserm fustentumb gesessen vnd wonhäfftenn des andernn tails von wegen der gewerb vnd henndell daselbs ein guttlicher vertrag beschehen ist, nach laut der brief darvmb ausgangen die wir bestet haben, emphelhen wir ew ernstlich vnd wellen das ir den berurten vertrag also nachget den vestiklich haltet vnd ew dabey hannthabet. Ob aber etlich dawider handlenn vnd tuen vnd dem nicht nachkomen wurden die mitsambt irem gut zw vnsern handen aufhaltet vnd verpietet so lanng vnz dem voelliklich nach gangen vnnd dashalb nicht mer irrung werde vnd darin nicht anders tuet. Das ist vnser ernnstliche maynung. Geben zw Linz an mittichen vor dem heiligen antlass tag anno domini etc. LXXXXII vnsers kaisertumbs im ainsvndvierzigisten jare.

Comissio domini imperatoris propria

GZL IV/29

Po kopiji B. Otorepec