Cesar Friderik III. naroča deželnemu glavarju in vicedomu na Kranjskem na pritožbo meščanov naj prepovesta tujim sodiščem zaplenjati meščanom zaradi raznih dolgov blago, ne da bi jih preje tožili pred njihovimi mestnimi sodniki, kot imajo to v privilegijih.

Orig. papir v MALj; prepis iz 16. stol. v priv. knjigi Ljubljane fol. 9′, št. 15. /SI ZAL LJU 333-36/
Obj.: Komatar v Jahresbericht ljublj. realke 1903/4, str. 28-29, št. 31; Klun, Dipl. Carn., str. 41-42, št. 55.

Wir Fridreich von gots gnaden romischer kaiser zu allen tzeitten merer des reichs zu Hungern Dalmacien Croacien etc. kunig hertzog zu Osterreich zu Steir etc. Embieten vnsern lieben getrewn Sigmunden von Sebriach vnsrm rate vnd haubtman vnd Anndreen Rainer vnserm verweser vnsers vitztumbambts in Krain vnser gnad vnd alles gut. Vns haben vnser burger vnd lewt daselbs in Krain anbringen lassen wie meniger aus in yetzutzeitten von gelltschuld vnd annderr spruch vnd vordrung wegen in frombden gerichten aufgehallten ir gut verhefft vnd nidergelegt vnd doch vmb solh geltschuld spruch vnd vordrung vor irn geordennten richtern nach innhallt irer priuilegy vnd freihait vor nicht beklagt noch recht gen in vertzogen werde dadurch sy wider altz herkomen in merkhlich verderben vnd schaden komen des sy sich beswert vnd vns frömbd bedunkht. Emphelhen wir ew ernstlich vnd wellen wo solh aufhalltung vnser kamergut nicht beruret daz ir dann der den bemelten vnsern burgern vnd lewten von vnsern wegen vorseit vnd zu tuon nicht gestattet. Daran tut ir vnser ernstliche maynung. Geben zu Anndernach an montag nach dem suntag reminiscere in der vassten anno domini etc. LXXVo vnsers kaisertumbs im drewundzwaintzigisten jar.

Commissio domini
imperatoris in consilio

/Pečat na hrbtu okrušen/

GZL IV/3

Po originalu B. Otorepec

© 2016 Zgodovinski arhiv Ljubljana. Vse pravice pridržane.

Prilagoditev pisave