Kralj Maksimilijan I. sporoča deželnemu glavarju na Kranjskem, da je podelil ljubljanskemu sodniku pravico do krvnega sodstva in naj sprejme od njega priloženo prisego.

Orig. perg. v Drž. arhivu Slovenije v Ljubljani; prepis iz 16. stol. v privil. knjigi Ljubljane v MALj, fol. 62, št. 90.
Obj.: Klun, Dipl. Carn., str. 50-51, št. 75.
Prim.: Zwitter, Star. kranj. mesta, 34.

Wir Maximilian von gottes gnaden romischer kunig zu allenn zeiten merer des reichs zu Hungern Dalmatien Croatien etc. kunig ertzhertzog zu Osterreich hertzog zu Burgundi zu Brabant zu Gheldern etc. grafe zu Flanndern zu Tirol etc. Embieten vnsern gegenwurttigen vnd ainem yeden kunftigen haubtmann vnsers furstentumbs Crain vnser gnad vnd alles gut. Wir haben vnserm getrewn n. so vnser getrewn n.rate vnd gemainde zu Laybach zu vnserm richter daselbs erwellen werden pan vnd acht vntz auf vnser widerruffen verlihen, als du ab vnserm offen brief, so wir dir hiemit zuschikhen, vernemen wirdest vnd emphelhen dir ernstlich vnd wellen daz du von demselben so die bemelten n.rate vnd gemain also zu vnserm richter erwellen werden gelubd vnd ayd als da hernach steet: Ir werdet swern vnserm allergnedigisten herrn dem römischen kunig getrew gehorsam vnd gewerttig ze sein, seiner kunigklichen maiestat frumen zu betrachten vnd schaden nach ewrm vermugen furtzekomen, seiner gnaden gericht trewlich vnd aufrichtiklich ze hanndlen vnd zu verwesen, nyemannds zu vrgicht antzenemen es sey dann auf war antzaigen vnd dem armen als dem reichen ain geleichs recht ergeen ze lassen vnd darinne mietgab, frundtschafft, veintschafft noch ichts annders antzesehen als ew got helff vnd all heiligen, zu vnsern hannden aufnemest. Daran tust du vnser ernstliche maynung. Geben zu Wienn an mittwoch nach sannd Erharts tag, nach Cristi geburde viertzehenhundert vnd im vierundnewntzigisten vnserr reiche des römischen im achten vnd des hungerischen im vierden jaren.

Comissio domini
regis propria

/Pečat izstavitelja na hrbtu listine pod papirjem./

GZL IV/31

Po orig. B. Otorepec