Kralj Maksimilijan I. dovoli sodniku in svetu Ljubljane postaviti nov mlin za mestne potrebe na kraju, kjer je to najbolj ugodno, proti letnemu plačilu vicedomu.

Prepis iz 16. stol. v priv. knjigi Ljubljane v MALj, fol. 46, št. 74.
Obj.: Klun, Dipl. Carn., str. 52-53, št. 79.

Wir Maximilian von gottes gnaden romischer khunig zu allen zeitten merer des reichs zu Hungern, Dalmacien Croatien etc. kunig erzherzog zu Österreich herzog zu Burgundi zu Brabant zu Geldern etc.graf zu Habspurg zu Flanndern zu Tieroll zu Gorz etc. Bekhennen für vnns vnd vnnser erben datz vnns vnser getrewen lieben n.der richter rath vnnd vnnser burger zu Laybach gemeingclichen anprahct wie sie ain mullen daselbs zu Laibach zu gemainer statt notturfften, taglichen merklichen abganng vnnd mangl hietten vnnd vns demuettigclich angerufen vnnd gebetten ine zuuergünen ain mulle bey vnser statt daselbs fur ainen gemainen nuz zu pawen, daz haben wir gethan vnd denselben vnnsern burgern vnnd iren nachkhomen vergunt vnnd erlaubt wissentlich mit dem briefe daz sie sollich mulle in oder derselben vnser statt, wo das am pessten fuget vnd wir inen durch vnser haubtman vnd vizdomb in Crain angezaigt wirdet, von newen pawen vnnd aufrichten vnd alle die freihait vnd gerechtigkait darzu haben vnnd der geprauchen vnd geniessen sullen vnd mugen /wie/ der ander personen so mullen daselbs haben, geprauchen vnnd geniessen von recht oder gewonhait von menigclich vnuerhindert doch daz sie vns vnd vnnsern erben ainen zins, den ine vnnser getreuer lieber Georg von Egkh vnnser vizdumb in Crain nach vnserm beuelch darauf nach messigkhait schlagen vnnd sezen wirdet, in vnnser vizdumbambt daselbs in Crain in ewig zeit dauon raichen vnd geben sollen getrewlich vngeuärlich. Mit vrkundt des briefs geben zu Linz an dem sibenzehenden tag des monats february nach Christi geburt funfzehenhundert vnd im ersten vnnser reiche des römischen im sechzehenden vnnd des hungerischen im ailfften jare.

GZL IV/37

Po privilegijski knjigi B. Otorepec