Cesar Friderik III. naroča prelatom, plemstvu in svojim oskrbnikom na Kranjskem naj zaradi njegove zapovedi o utrjevanju mest slede pozivu deželnega glavarja, razpišejo tlako in pošljejo svoje podložnike pomagati, da bodo potem imeli v mestih zatočišča.

Prepis iz 16. stol. v priv. knjigi Ljubljane v MALj, fol. 48′-49. /SI ZAL LJU 488, COD XXV/
Obj.: Klun, Dipl. Carn., str. 42, št. 56.

Wir Fridreich von gottes gnaden römischer kayser zu allen zeitten merrer des reichs zu Hungern Dalmatien, Croacien etc. kunig, hertzog ze Osterreich zu Steyer etc. Embietten dem erwirdigen ersamen erbarn geistlich andechtigen edlen vnnsern lieben getreuen n. vnnsern prelaten den vom adl vnnd vnnsern pflegern vnd ambtleütten in vnnserm furstenthumb Krain den der brief gezaigt oder verkhundt wirdet vnnser gnad vnnd alles gut. Wir haben der swern leuf so der Turggen halben sein beuolhen vnser stette in denselben vnnserm furstenthumb Krain zu der weer ze zerichten vnnd zu beuestigen, begern wir an ew mit vleyss emphelhen ew auch ernstlich wann ir von vnserm lieben getrewen Sigmunden von Sebricah vnnserm rath vnd haubtman in Krain angelangt werdet daz ir dan eur vnd vnnser leut vnd holden in paw vnd zurichtung derselben vnser stet, wie ir des durch den bemelten vnsern haubtman bericht werdet in robat ordnet damit wir ir selbs vnnd land vnd leut daran nicht schaden nemen, auch dieselben eur vnnd vnser leut ir zuflucht mit irer haab vnd gut destposs in die bemelten vnnser stett haben mugen. Daran thut ir vnns sonnder geuallen vnnd vnser ernstliche maynung das wir gnedigclich gegen ewer kennen wellen. Geben zu Anndernach an eritag nach den sontag reminiscere in der vasten anno domini etc. funfundsibenzig vnnsers khayserthumbs im dreyundzwainzigisten jare.

GZL IV/4

Po privilegijski knjigi B. Otorepec