Kralj Maksimilijan I. znova zapoveduje sodniku in svetu v Velikovcu naj puste Ljubljančane pri njihovih starih pravicah glede skladišča in trgovine z železom.

Transsumpt v listini 1504, februar 10. Ljubljana, v privil. knjigi Ljubljane v MALj, fol. 30-30′, št. 51.
Obj.: Klun, Dipl. Carn., str. 55, št. 84.

Wir Maximilian von gottes gnaden romischer kunig erzherzog zu Osterreich, herzog zu Burgundi zu Brabandt vnnd pfalzgraue etc. Embieten vnnsern getrewen lieben n. dem richter vnd rath zu Velkenmarkht vnnser gnad vnnd alles gutt. Vnns haben vnnser getrew lieben n.der richter vnnd rath zu Laybach anbracht, wiewol wir ew vormals geschriben vnd beuohlen sie der niderlag vnd eisenhandels halben daselbs zu Velkenmarkht bey iren freyhaiten vnnd alten gebrauch beleiben zu lassen vnd inen ferrer darinen kain irrung noch verhinderung zu thun noch des yemands anderm von ewrn wegen zu thun gestatten, so solle doch das bisher durch ew nit beschehen sein das vns, wo dem also ware, zu nicht klainer verachtung vnnd misfallen vnnd den gemelten von Laybach an irer narrung zu merkhlichen abbruch raichet vnd vns ferrer von ew zu gestatten in kainen weg gemaint ist, vnnd emphelhen ew demnach abermals bey vermeydung vnser schweren vngnad vnd straff ernstlich vnd wellen das ir die vorgemelten von Laybach diser bestimbten niderlag vnd eisenhandels halben nochmaln bey den obberuerten iren freyhaiten vnd alltem gebrauch beleiben vnd sie mit irer kaufmanschafft vnd eisenhandels hin vnnd wider durch Velkenmarkht ziehen vnnd hanndlen lasset vnd innen verrer darinen kain irrung noch verhinderung thut, noch des yemands anderm von ewrn wegen zu thun gestattet, sonder ew hierinen dermassen erzaiget dardurch wir nit geursacht werden deshalben in annder weg gegen ew zu handln. Daran thut ir vnser ernstliche maynung. Geben am ertag vor sant Anthonien tag anno domini etc im vierdten vnser reiche des romischen im achzehenden vnnd des hungerischen im vierzehenden jarn.

GZL IV/42

Po transsumptu B. Otorepec