Cesar Maksimilijan I. prepoveduje nakup in uvoz nürnberških obrtnih izdelkov v Ljubljano, ker ima zaradi tega domača obrt škodo. Naj se raje uvažajo sredstva za obrtno proizvodnjo.

Orig. per. v MALj; prepis iz 16. stol. v privil. knjigi Ljubljane v MALj, fol. 57′-58, št. 86.
Obj.: Klun, Dipl. Carn., str. 61, št. 93.

Wir Maximilian von gotts gnaden erwelter romischer keyser zu allenn tzeitten merer des reichs in Germanien auch zu Hungern Dalmacien Croacien etc. kunig ertzhertzog zu Osterreich hertzog zu Burgundi zu Brabandt vnnd phaltzgraue etc. Empieten allen vnd yegclichen vnnsern burgern in vnnser statt Laybach so mit disem vnnserm brief ersuecht werden vnnser gnad vnd alles guet. Vnns gelanngt an wie etlich aus euch solch kaufmansschaft vnd gewerb treiben, nemlich allerlay gemachte arbait die sunst wol zu Laybach gemacht werden mocht von Nurmberg vnd anndern auslendern vnd frembden werkleuten bestellen, aufkauffen, gen Laybach fueren vnd daselbs in iren laden verkauffen sollen, dardurch dem gemainen hanndtwerchsman in Laybach, der mit gemainer statt in steuren wacht vnd raisen mitleiden tregt, sein arbait vnd narung abgesnitten, vnnser statt an der manschaft gemindert vnd der auslennder vnd frombden nutz vnd gewyn gefurdert wierdet, das sich nit gepurt, vnns auch zu gestaten nit gemaint ist. Demnach sein wir den aigen nutz abzustellen vnd gemainen nutz zu furdern entslossen vnd emphelhen euch allen vnnd yedem in sonnderheit mit ernnst gepietend das ir ewr hanndtierung vnd gewerb mit gemachter arbeit, so ir von Nurmberg vnd anndern auslendern vnd frembden zu wegen bringt, die sunst zu Laybach gemacht werden mugen, in allweg muessig vnd absteet vnd alain die hanndtwercher in Laybch bey solchen arbeiten beleiben vnd inen damit ir narung zuesteen lasset. Wo ir aber ye anndern gezuesteen lasset. Wo ir aber ye anndern gewerb vnd behelff nit kundet oder wisset euch alsdann benuegen lasset allerlay beraitschafft vnd zewg zu der hanndtwercher arbeit zu bestellen die zuzefueren vnd also mit demselben handelt, damit sich ye ain burger neben dem anndern neren mug, vnnd hierauf keins wegs widerwertig noch vngehorsam erscheinet bey vermeidung vnnser sweren vngnad vnd straff vnd darzue verliesung ewr pfenwart damit ir hieruber hanndeln wurdet. Das wolten wir euch vnuerkundt nit lassen, vnd ir tut daran vnnser ernnstliche maynung. Geben in vnnser statt Audenarde in Flanndern am vierdten tag des monets augusti anno etc. im dreyzehennden, vnnserer reiche des romischen im achtundzwaintzigisten vnd des hungrischen im vierundzwaintzigisten jaren.

per regem comissio cesare
pro se maiestatis propria

/Pečat na hrbtu listine odpadel/

GZL IV/54

Po originalu B. Otorepec

Opomba:
Listina objavljena v Božo Otorepec, Dragan Matić, Izbrane listine Zgodovinskega arhiva Ljubljana (1320-1782), Transkripcije z regesti in komentarji, Ljubljana 1998, str. 89-90.