Cesar Maksimilijan I. sporoča deželnemu glavarju in vicedomu na Kranjskem, da potrjuje ustanovitev skladišča v Ljubljani in obenem prepoveduje, da bi tuji trgovci sami mimo Ljubljane hodili na Hrvatsko po kožuhovino.

Prepis iz 16. stol. v privil. knjigi Ljubljane v MALj, fol. 31′-32′, št. 53.
Obj.: Klun, Dipl. Carn., str. 59, št. 90.

Wir Maximilian von gottes gnaden romischer kaiser zu allen zeitten merer des reichs in Germanien auch zu Hungern Dalmacien Croacien etc. kunig erzherzog zu Osterreich herzog zu Burgundi zu Braband vnnd pfalzgraue etc. Embieten den edlen vnnsern lieben getrewen Hannsen von Aursperg herrn zu Schönberg vnnd Jorgen von Egk vnnsern ratten gegenwertigen vnnd yeden kunfftigen vnnsern haubtleuten vnnd vizdomben in Crain vnnser gnad vnnd alles gut. Wir haben die ordnung so wir verschinen jarn auf vnser stet vnd markht in vnnsern furstenthumben Steyer Karndten vnd Crain beswärung vnd geprechen der frembden vnd auslendigen khaufmanshandl vnnd gewerb auch der niderlag zu Laybach halben aufgericht vnd durch vnser offen brieff augeschriben haben, ernewrt confirmiert vnd bestat vnnd noch mer von newem gepotten, das die auslendigen kaufleut nit mer fur Laybach in Krabaten vmb rauchewaar gefill vnnd dergleichen gattung ziehen, sonnder dieselben waar wie von alter zw Laybach nemen sollen, inhalt vnnser newen mandat deshalben ausganngen vnnd emphelchen euch demnach mit ernnst vnd vleis das ir die stet vnnd markht in gemelten vnsern landen vnd sonnderlich von Laybach in vnnsern lannd Crain bey der obgedachten vnser vor aufgerichten ordnung vnnd der yez ausganngen vnser ernewerung vnd bestattung darzu bey dem angezaigten vnnserm gepot der rauchen waar gefill vnd dergleichen gattung halben, von vnnsern wegen vestigclich handthabet vnd neimand gestattet in ainich weg dawider furzunemen noch zu hanndlen, desgleichen ir selbs auch nit thut, welche aber erfarn vnd betretten wurden die wider solch vnser ordnung erneurung vnd gepot taten oder handletn derselben kaufmanswaar vnd gutter zu vnsern hannden arrestieret vnd verleget vnd vns gestalt irer vngehorsamb berichtet, so wellen wir euch darin vnser mainung gepurlicher straff halben gegen inen zuerkenen geben, das mainen wir ernstlich. Geben in vnnser stat Audenardt in Flandern am vierdten tag diz monnats augusti anno funfzehennhundert vnnd im dreyzehenden vnnser reiche des römichen im achtvndzwainzigisten vnnd des hungerischen im viervnndzwainzigisten jarn.

GZL IV/59

Po privilegijski knjigi B. Otorepec

© 2016 Zgodovinski arhiv Ljubljana. Vse pravice pridržane.

© 2016 Zgodovinski arhiv Ljubljana. Vse pravice pridržane.

Prilagoditev pisave