Cesar Maksimilijan I. naroča vicedomu na Kranjskem naj mestu Ljubljani izplačuje letno 100 gld., ki jih je odobril za naklade in zidanje. Orig. perg. v MALj. Reg.: Komatar v Jahresbericht ljublj. realke za 1903/4, str. 37, št. 52. Wir Maximilian von gots gnadn erwelter romischer kayser zu allen zeiten merer des reichs in Germanien auch zu Hungern Dalmacien Croacien etc. kunig ertzhertzog zu Ostereich hertzog zu Burgundi zu Brabannd vnd phaltzgraue etc. Empieten vnserm getrewen lieben Jorgen von Egk vnnserm rat gegenwirtigen vnd ainem jeden kunfftigen vnnserm vitzthumb in Crain vnnser gnad vnd alles guet. Als wir verschiner zeit zu ergetzlichait der beswarung so vnnsere burger von Laybach an vnnsern aufslegen haben vnd zu paw an vnnserm solss vnd der stat Laybach jarlich vierhunndert guldin reinisch aus vnnserm vitzthumbambt deiner verwesung verordennt haben, dieweil aber solh vierhunndert guldin bisher zu solhen notturfften von vnnserm vitzthumbambt nit ausgeben worden sein vnd sich aber vnnser burger zu Laybach berurter aufsleg ye lennger ye mer beschweren, darzue auch die stat pawens notturfftig vnd gar prechenhafft ist. So haben wir vnnsern getrewen lieben burgermaister richter rat vnd gemain der stat Laybach zu solhem paw vnd pesserung der stat fur irn zuegehorigen halben tail der gemelten vier hundert gulden gnadigklich verordennt vnd zuegestellt vnnser einkomen vnd nutzung der stat maut daselbs zu Laybach so sy bisher in bestannd von vnns inne haben bis auf vnnser wolgefaln, also das sy solh nutzung vnd einkomen der stat maut hinfuro bis auf vnnser wolgefallen frey innehaben vnd zuergetzlichait der stat paw nutzen vnd niessen sollen vnd mugen, das wolten wir dir nit verhallten, mit ernnst beuelhennd das du denen von Laybach hinfur bis auf vnnser widerrueffen die berurt nutzung vnd einkomen der stat maut ruewigklich volgen vnd innelassest, so sagen wir dich derselben quit vnd legid vnd du thuest daran vnnser ernnstliche maynung. Geben in vnnser stat Audenarde in Flanndern am vierden tag ditz monnats augusti anno etc. im dreyzehennden vnnser reiche des romischen im achtvndzwaintzigisten vnd des hungerischen im viervndzwaintzigisten jarn. per regem Comissio cesare pro se maiestatis propria /Pečat na hrbtu listine odpadel./ GZL IV/55

Po originalu B. Otorepec