Cesar Friderik III. naroča deželnemu glavarju in vicedomu naj prepovesta čolnarjem in prevoznikom na Savi pobirati prevoznino od tistih, ki ob nizki vodi blago sami prenašajo ali vozijo čez reko.

Orig. papir v MALj; prepis iz 16. stol. v privil. knjigi Ljubljane fol. 58′. /SI ZAL LJU 333-37/
Obj.: Klun, Dipl. Carn., str. 42-43, št. 57; Komatar v Jahresbericht ljublj. realke za 1903/4, str. 29, št. 32.

Wir Fridreich von gots gnaden romischer kaiser zu allenn tzeitten merer des reichs zu Hungern Dalmacien Croatien etc. kunig hertzog zu Osterreich zu Steir zu Kernnden vnd zu Krain etc. Embieten vnsern lieben getrewn Sigmunden von Sebriach vnserm rat vnd haubtman vnd Anndreen Rainer vnserm verweser vnsers vitztumbambts in Krain vnser gnad vnd alles guot. Vns lanngt an wie die scheflewt vnd vrfarer auf der Saw von den leuten so die yetzuzeiten ir waar vnd guet durch dasselb wasser wann das klain ist tragen oder auf rossen furn dannoch das vrfargelt als ob sy die vbergefuert hieten zu haben mainen vnd in menigermal ir guet darumb aufhalten wider alts herkomen, das vns nicht geuellt. Emphelhen wir ew ernstlich vnd wellen daz ir bey den bemelten schefleuten vnd vrfarern darob seit daz sy solh vnpillich newung abtun vnd die so sy noch ir guet nicht vberfueren vmb das vrfargelt vnangelanngt lassen als wir ew dann das vor auch geschriben vnd zu tun beuolhen haben. Daran tuet ir vnser ernstliche maynung. Geben zu Anndernach an eritag nach dem sonntag reminiscere in der vasten anno domini etc. LXXV vnsers kaisertumbs im dreivnndzwaintzigisten jar.

Commissio domini
imperatoris in consilio

/Pečat na hrbtu listine delno okrušen./

GZL IV/5

Po originalu B. Otorepec